ტვირთების ჩამოტანა ჩინეთიდან სპეციფიური პროცესია და ტრანსპორტირების პერიოდი სტანდარტულად დაახლოებით 40 დღიდან 60 დღემდე შეიძლება გაგრძელდეს (შესაძლოა უფრო ხანგრძლივადაც) და ეს იმიტომ, რომ დამოკიდებულია ბევრ ფაქტორზე: საზღვაო ხაზზე, მარშრუტებზე, კლიმატურ სიტუაციაზე, ტრანზიტზე და ა.შ.

Translive გაძლევთ საშუალებას მოახდინოთ ყველა ტიპის ტვირთის გადაზიდვა ჩინეთიდან, მათ შორის.

• 1. სტანდარტული ტვირთი - ანუ ამ კატეგორიაში ერთიანდება ყველა ის ტვირთი, რომელიც არის სტრანდარტული და არ საჭიროებს დამატებით რესურს, არ არის არაგაბარიტული, არ მოითხოვს ტემპერატურულ რეჟიმს, ან სპეციალურ გარემოს გადასაზიდად და პროცესი მიმდინარეობს სტანდარტული ტრანსპორტით.


• 2. თხევადი / ნაყარი ტვირთი - ეს არის შეუფუთავი და ერთგვაროვანი ტვირთები, რაც ამარტივებს მათ გადაზიდვას. ეს შეიძლება იყოს მშრალი ტვირთი, რომელიც უნდა ინახებოდეს მშრალი წესით, არასწორად შერჩეული ტრანსპორტის შემთხვევაში სინესტემ შეიძლება დააზიანოს მთლიანად. ასევე საგულისხმოა ის ფაქტი, რომ მრავალი მშრალი ნაყარი ტვირთი კლასიფიცირდება, როგორც „სახიფათო ტვირთი“, რომელიც საჭიროებს სპეციალურ ყურადღებას ჩატვირთვა-ტრანსპორტირება-გადმოტვირთვის დროს.


• 3. არაგაბარიტული ტვირთები - ეს კატეგორია არ განეკუთვნება სტანდარტულ ტვირთებს, მათი გადაზიდვა ხდება სპეციფიურად და არასტანდარტულ პირობებში. რა ტიპისაც არ უნდა იყოს ეს ტვირთი ისინი საჭიროებენ სპეციალურ დაგეგმვას და გადაზიდვის საშუალებებს.


• 4. სახიფათო კატეგორიის ტვირთები (ADR) - ეს არის ტვირთები, რომლებიც მოიცავს 9 სახიფათო კატეგორიის ტიპს, რომელშიც შედის ცეცხლსაშიში, აალებადი, ტოქსიური, ქიმიური, რადიოაქტიური და სხვა სახის სახიფათო ტვირთები. რა თქმა უნდა, თანამედროვე ტექნოლოგიები, შესაბამისი შესაფუთი მასალები და პროდუქციის კომერციალიზაცია იძლევა საშუალებას ასეთი ტვირთები უპრობლემოდ იქნას გადაზიდული საერთაშორისო მასშტაბით. აქ განსაკუთრებით გასათვალისწინებელია დოკუმენტაციის გამართულობა და სატრანსპორტო კომპანიის წინასწარი ინფორმირება ტვირთის დეტალებთან დაკავშირებით.

ჩინეთიდან იმპორტირების, ან პირიქით, ექსპორტირების შემთხვევაში გადაზიდვის ღირებულება ითვლება ინდივიდუალურად, რადგან დამოკიდებულია ბევრ მნიშვნელოვან ფაქტორზე: ტვირთის და ტრანსპორტის ტიპზე, მოცულობაზე, წონაზე, დატვირთვის პერიოდზე და ა.შ. ტრანსპორტის შერჩევისას, ძირითად შემთხვევაში სტრატეგიული მნიშვნელობა ენიჭება საზღვაო გადაზიდვას, ვინაიდან კონტეინერი არის უნივერსალური საშუალება ნებისმიერი ტვირთის გადასატანად ჩინეთის მიმართულებაზე. ღირებულება საზღვაოს შემთხვევაში არის გაცილებით უფრო ეკონომიური ვიდრე საჰაერო, ან სახმელეთო მეთოდით გადაზიდვისას.